কনটেক্ট আৰু কানেকচন
নিউয়র্কত এদিন এজন সাংবাদিকে ৰামকৃষ্ণ মিছনৰ এজন সন্যাসীৰ সাক্ষাৎকাৰ ল’বলৈ গ’ল।
সাংবাদিক: ----- কালি আপোনাৰ বক্তৃতাত কৈছিল যে "কনটেক্ট আৰু কানেকচন" দুবিধ বেলেগ বস্তু৷ এই প্ৰসংগত মোৰ কিছু খোকোজা আছে ৷ অনুগ্ৰহ কৰি বুজাই ক’বনে?
সন্যাসীজনে মিচিকিয়াই হাঁহিলে আৰু প্ৰশ্নটো প্ৰায় এফলীয়া কৰি ওলোটাই সুধিলে:
- আপুনি নিউয়ৰ্কতে থাকে নেকি?
- হয়।
- ঘৰত কোন কোন আছে?
সাংবাদিকজনে ভাবিলে - সন্যাসীজনে হয়তো প্ৰশ্নটো এৰাই চলিবলৈ বিচাৰিছে৷ সেয়েহে ছাগে এনেকুৱা ব্যক্তিগত প্ৰশ্নবোৰ কৰিছে!
তেওঁ ক’লে: ----- মা ঢুকাল, দেউতা আছে। তিনিজন ভাই আৰু এজনী ভনী আছে৷ সকলোৱেই বিবাহিত৷
সামান্য হাঁহি সন্যাসীজনে সুধিলে: ----- দেউতাৰ লগত দেখা-সাক্ষাৎ হয়নে বাৰু?
সাংবাদিক বিভ্রান্ত!
সন্যাসীজনে পুনৰ সুধিলে;----- দেউতাৰ লগত শেষ দেখা কেতিয়া হৈছিল?
নিজৰ বিৰক্তি লুকুৱাই সাংবাদিকজনে ক’লে: -----কেইমাহমান হ’ল ৷
সন্যাসী: ----- ভাই-ভনীবোৰৰ লগত আপোনাৰ মাজে-সময়ে দেখা-দেখি হয়নে? শেষবাৰৰ বাবে কেতিয়া আপোনালোকৰ পৰিয়ালটো একত্ৰিত হৈছিল?
সাংবাদিকজন ইতিমধ্যে ঘামিবলৈ লৈছিল৷ দৰাচলতে সন্যাসীজনেহে সাক্ষাৎকাৰ লোৱা যেন তেওঁৰ অনুভৱ হ’ল৷
লজ্জ্বানত হৈ সাংবাদিকজনে উত্তৰ দিলে: ----- দুবছৰৰ আগতে বৰদিনৰ সময়ত৷
- সকলোৱে একেলগে কেইদিন কটালে পিছে?
- দুদিন ।
-দেউতাৰ কাষত কিমান সময় বহিছিল?
সাংবাদিকজনে সন্যাসীজনলৈ তধা লাগি চাই থাকিল ৷
- আপোনালোকে সকলোৱে একেলগেই ব্রেকফ্ৰাষ্ট, লাঞ্চ, ডিনাৰ কৰিছিল নে?
- দেউতাকক "কেনে আছে" সুধিছিল নে বাৰু?
- মা ঢুকুওৱাৰ পিছত তেওঁনো কেনেকৈ সময়বোৰ পাৰ কৰিছে, এবাৰলৈও সুধিছিলনে?
সাংবাদিকৰ চকু অশ্রুসিক্ত হৈ পানী ওলাই আহিবলৈ ধৰিলে৷
সন্যাসীজনে তেতিয়া তেওঁৰ হাতত ধৰি ক’লে: ------ লজ্জিত হ’ব নালাগে৷ অনুশোচনাও নকৰিব৷ মই দুঃখিত যে আপোনাক অনাহকত মনোকষ্ট দিবলগীয়া হ’ল! আচলতে এইটোৱেই আপোনাৰ প্ৰশ্নৰ উত্তৰ!
দেউতাৰ লগত আপোনাৰ কনটেক্ট আছে কিন্তু কানেকচন নাই! হৃদয়ে হৃদয়ৰ লগতহে কানেকচন হয়!
একেলগে বহা, খাদ্য-সামগ্ৰী ভাগ কৰি খোৱা, এজনে আনজনৰ খবৰ ৰখা; স্পৰ্শ কৰা, কৰমৰ্দন কৰা, চকুত চকু ৰাখি কথা পতা; একেলগে সময় কটোৱা আদিৰ জৰিয়তে আপোনালোকৰ ভাই-ভনীবোৰৰ মাজত কনটেক্ট আছে, কিন্তু কানেকচন নাই ‼️‼️
চকু মচি মচি সাংবাদিকজনে ক’লে;------ এই সূক্ষ্ম আৰু অবিস্মৰণীয় শিক্ষাৰ বাবে আপোনাক অশেষ ধন্যবাদ!
🌻সেই সন্যাসীজন কোন আছিল জানেনে?
তেওঁ আন কোনো নহয়, স্বয়ং স্বামী বিবেকানন্দ!!
Comments
Post a Comment